అల్పాహారంగా పోహా
(అటుకులు) ను తినడం వల్ల కలిగే లాభాలు ఏమిటి?
దేశంలోని చాలా ప్రాంతాల్లో అల్పాహారంగా పోహ (అటుకులు)ను తినటం అలవాటు. మీరు పోహను శనగలు, కరివేపాకుతో ఫ్రై లాగా చేసుకొని తినొచ్చు. లేదంటే అన్నం మాదిరిగా పోపు వేసి కూడా అద్భుతంగా తయారు చేసుకోవచ్చు. పోహ ను ఎలా రుచికరంగా తయారుచేసుకోవచో దానివల్ల ఎన్ని ఆరోగ్య ప్రయోజనాలో తెలుసుకుందాం.
1. కంట్రోల్స్ బ్లడ్ షుగర్ లెవెల్స్:
పోహ డయాబెటిక్ వ్యాధిగ్రస్తులకు ఎంతో మంచిది. ఇందులో ఎక్కువ పరిమాణంలో ఫైబర్ ఉండడంతో పోహను తిన్నాక రక్తంలోకి షుగర్స్ నిదానంగా విడుదల అవుతాయి. ఫలితంగా ఆకస్మాత్తుగా రక్తంలో చక్కెర స్థాయి పెరిగే ప్రమాదం తగ్గుతుంది.
2. ఏ గుడ్ ప్రోబయోటిక్:
చాలా మందికి పోహ ప్రోబయోటిక్ ఫుడ్ అని తెలీదు. బియ్యాన్ని సగం ఉడికించి, కొన్ని గంటల పాటు ఎండలో ఆరబెడతారు. తరువాత దానిని పల్చగా మలిచి పోహను తయారు చేస్తారు. కిణ్వన ప్రక్రియ ద్వారా దీనిని తయారు చేయడం వలన
దీనిలో ప్రోబయోటిక్ గుణాలు ఉండిపోతాయి. అందుకే ఇవి జీర్ణవ్యవస్థకు చాలా మంచివి.
3. కార్బోహైడ్రేట్స్ :
పరిశోధనల ప్రకారం పోహలో 76.9% కార్బోహైడ్రేట్లు, 23% ఫ్యాట్స్ ఉంటాయి. అందుకే వీటిని అల్పాహారంగా తీసుకోవడం వలన కార్బోహైడ్రేట్ల ద్వారా రోజువారీ పనులకు కావలసిన శక్తి శరీరానికి అందుతుంది.
4. లైట్ ఫుడ్:
పోహ చాలా లైట్ ఫుడ్. ఇది చాలా సులభంగా జీర్ణం అవుతుంది అందుకే దీనిని ఉదయం అల్పాహారంగా లేదా సాయంత్రం స్నాక్స్ గా తీసుకోవచ్చు. చాలాసేపు కడుపు నిండిన భావనను పోహ కలిగిస్తుంది.
5. రిచ్ ఇన్ ఐరన్ :
గర్భిణీ స్త్రీలు, పాలిచ్చే తల్లులు పోహను తీసుకోవటం వలన శరీరానికి కావాల్సిన ఐరన్ అందుతుంది. చాలా మందిలో రక్తహీనత సమస్యలు తలెత్తకుండా ఇది నివారిస్తుంది. ఇక శరీరం ఐరన్ను పుష్టిగా శోషించుకోవటానికీ పోహలో కాస్త నిమ్మరసం కలిపితే సరిపోతుంది.
6. తక్కువ క్యాలరీలు :
పోహలో క్యాలరీలు తక్కువగా ఉంటాయి. ఒక కప్పు వెజిటేబుల్
పోహలో కేవలం 250 క్యాలరీలు మాత్రమే ఉంటాయి. ఇందులో వాడే కరివేపాకు లాంటి పదార్థాల వల్ల విటమిన్లు, మినరల్స్, యాంటీ ఆక్సిడెంట్లు లాంటివి పుష్కలంగా అందుతాయి. ఒకవేళ మీకు రుచికరంగా తినాలనిపిస్తే శనగలు వేసుకోండి. అయితే బరువు తగ్గాలనుకునేవారు మాత్రం శనగలను వేసుకోకపోవడం ఉత్తమం.
పోహను ఆలీవ్ ఆయిల్ లేదా కొబ్బరినూనెలో వండడం, దానిలో సమృద్ధిగా కూరగాయలు వేసుకోవడం ద్వారా హెల్దీగా తయారుచేసుకోవచ్చు. ఇందులో మరిన్ని ప్రోటీన్ల లో యాడ్ చేయాలనుకుంటే సోయా చంక్స్ ను కలుపుకుంటే సరి పోతుంది. ఆరోగ్యపరంగా చూస్తే పోహ అత్యుత్తమ ఆహారాల్లో ఒకటి. అందుకే మీ డైట్ లో పోహను తరచూ తీసుకుంటూ ఉండండి.
