మంచి నిద్రకు చిట్కాలు

మంచి నిద్రకు చిట్కాలు:

కరోనా మహమ్మారి విజృంభిస్తున్న వేళ నిద్ర ప్రతి ఒక్కరికీ చాలా అవసరం. మనిషికి తగినంత నిద్ర ఉండడం ఎన్నో విషయాలను ప్రభావితం చేస్తుంది. కాబట్టి చక్కగా నిద్రపోవటానికి, ఒత్తిడిని  తగ్గించుకోవటానికి ఏం చేయాలో ఇక్కడ తెలుసుకుందాం.

1. ఎక్కువగా ఆల్కహాల్ తీసుకోకండి: ఆల్కహాల్ తీసుకోవడం ఆరోగ్యానికి ఎంత మాత్రం మంచి చేయదు. దీని వలన ఒత్తిడి, ఆందోళనలు మరింత పెరుగుతాయి. దీని వలన తక్కువ గా నిద్ర పోతారు. ఫలితంగా రోగనిరోధక శక్తి కూడా దెబ్బతింటుంది.

2. అతిగా కునుకు తీయకండి:  కరోనా కాలంలో మీకు సెల్ఫ్ క్వారంటైన్ లేదా వర్క్ ఫ్రం హోం చేస్తున్నట్లయితే మీరు వేసే కునుకులు కూడా మిమ్మల్ని ప్రభావితం చేస్తాయి. డే టైం లో అతిగా కునుకు తీస్తే రాత్రిపూట నిద్ర కు ఇబ్బందులు తలెత్తుతాయి. దీని వల్ల కొత్త సమస్యలు వస్తాయి.

3. కాస్త వ్యాయామం (నిద్రకు ముందు కాదు) : కరోనా మహమ్మారి విలయతాండవం చేస్తున్న వేళ  జిమ్ లు మూతపడ్డాయి.

కానీ మనలో చాలామందికి  జిమ్ లో వ్యాయామం చేయడం అలవాటు వుంటుంది. అలాంటి వాళ్ళు ఇంట్లోనే వ్యాయామం చేసుకోవచ్చు. వ్యాయామం కూడా మంచి నిద్ర కు కారణం అవుతుంది. అయితే నిద్ర పోవడానికి కొన్ని గంటల ముందు వ్యాయామం చేయడం మంచిది కాదు.

4. సాధారణం గా ఉండండి : చుట్టూ పరిస్థితులు ఎలా ఉన్నా మీరు మాత్రం సాధారణంగానే ఉండండి. వర్క్ ఫ్రం హోమ్ చేసిన కానీ రెగ్యులర్గా ఎప్పుడైతే నిద్రలేస్తారో అదే సమయానికి నిద్ర లేవండి. దీనివల్ల మీకు ఎలాంటి ఇబ్బందులు కలగవు.

అలా కాదని అతిగా నిద్ర పోవడం లాంటివి, పగటిపూట నిద్ర పోవడం లాంటివి చేస్తే మాత్రం లేని ఇబ్బందులు వస్తాయి.

శారీరక ఆరోగ్యానికి నిద్ర చాలా ముఖ్యమైనది మరియు గుండె సంబంధిత వ్యాధులను రాకుండా అడ్డుకుంటుంది. నిద్రలేమి వలన గుండెకు సంబంధించిన సమస్యలతో పాటు కిడ్నీ వ్యాధులు, అధిక రక్తపోటు, చక్కెర వ్యాధి మరియు గుండెపోటు వచ్చే అవకాశాలు ఉన్నాయి. అందువలన (సరిగ్గా నిద్రపోండి మరియు చెప్పిన అంశాలను గుర్తుంచుకోండి).